Shpërthen fruthi në SHBA, a është mosvaksinimi shkaku? (VIDEO)

Rritja e rasteve të fruthit në SHBA dhe Evropë ka nxitur debate mbi ndikimin e fushatave kundër vaksinimit. Infektologia Albina Ponosheci thekson në emisionin "Kosova Today" në Klan Kosova, se refuzimi i vaksinave ka sjellë rikthimin e sëmundjeve të harruara: “Vitet e fundit kemi parë sërish shpërthime të fruthit, pikërisht për shkak të uljes së shkallës së vaksinimit”, tha ajo. Nga ana tjetër, avokati Faik Miftar argumenton se vaksinimi mbetet zgjedhje personale: “Çdo prind ka të drejtën të vendosë nëse do ta vaksinojë ose jo fëmijën e tij, edhe sipas ligjit",tha Miftari, transmeton Klankosova.tv. Ai gjithashtu lidh situatën në SHBA me polemikat rreth emërimit të Robert F. Kennedy Jr. si ministër i Shëndetësisë, duke e cilësuar debatin si një sulm politik ndaj tij. Miftar, i cili ka vaksinuar të dy fëmijët e tij, thotë se ka vërejtur probleme shëndetësore tek ta pas vaksinimit: “A janë 100% të shkaktuara nga vaksinat, nuk e di, por besoj se kanë efekte anësore të jashtëzakonshme", deklaroi ndër të tjerash Miftari. Ndiqni diskutimin e plotë, në videon e mëposhtme: https://youtu.be/W47RfSuE-8w