Shpërthen babai i Ardian Ismajlit fill pas eliminimit të Shqipërisë

Shqipëria u eliminua sonte nga Kampionati Evropian duke fituar vetëm një pikë nga tri ndeshjet e grupit. Ilmi Ismajli, babai i mbrojtësit të kombëtares, Ardian Ismjalit, ka reaguar menjëherë në Facebook në një postim që mund të lidhet me situatën e Ismajlit gjatë këtij Evropiani. Ai nuk u inkuadrua as edhe një minutë në tri përballjet e grupit ndonëse ishte kyç në fushatën kualifikuese të Kuqezinjve në këtë garë. “Ardian, bëhu i qëndrueshëm dhe i fortë për këtë padrejtësi, për këtë tradhti, të jeni krenar për çdo gjë që keni dhënë për kombëtaren sepse e kemi detyrim!”, ka shkruar Ismajli në Facebook. “Zoti i shkatërroftë të gjithë ata që ta vodhën ëndrrën qysh nga fëmijëria të cilën ma tregoje...” “Të pabesët, tradhtarët, u munduan ta ndalnin diellin që të mos ndriçojë, por mjeranët nuk e kuptuan se diellin mund ta ndalë vetëm Krijuesi i tij!” “Je i qetë se ditë të bardha dhe karrierë të madhe jeni duke pritur, është shumë afër...|