Lajmet e fundit
Shpërthimet në malin Etna të Italisë dhe vullkanin më të vogël Stromboli nxorrën hi dhe lavë të nxehtë, duke ngritur nivelet e alarmit në ishullin mesdhetar të Sicilisë dhe duke detyruar një mbyllje të përkohshme të aeroportit të Katanias të premten.
Etna, një nga vullkanet më aktive në botë, ka patur një aktivitet intensiv ditët e fundit, duke ndriçuar qiellin pranë qytetit të Catanias, ndërsa Stromboli në brigjet veriore të Sicilisë ka derdhur llavë në det.
Ministri i Mbrojtjes Civile Nello Musumeci tha se Stromboli ishte "nën vëzhgim", duke shtuar se autoritetet po siguroheshin që planet e evakuimit të ishin gati në rast emergjence, raporton Reuters, transmeton Klankosova.tv.
Brigada e zjarrfikësve tha se ata kishin dyfishuar paraprakisht numrin e zjarrfikësve në ishull.
Rreth Katanias, në bregun lindor të Sicilisë, banorët dhe autoritetet u zhvendosën për të pastruar qytetin pasi rrugët dhe makinat mbetën të mbytura në hirin e zi vullkanik, ndërsa aeroporti aty pranë u mbyll.
