Shoferi i veturës mbeti i vdekur nga vetkaksidenti në magjistralen Prishtinë - Ferizaj, i takon moshës së re

Një person ka vdekur dhe një tjetër është lënduar si pasojë e vetaksidentit që ka ndodhur rreth orës 04:30 të mëngjesit në rrugën magjistrale Prishtinë – Ferizaj. Klankosova.tv ka mësuar se viktima është shoferi i automjetit, dhe është i moshës së re. Vdekjen e viktimës ekipi i emergjencës e ka konstatuar në vendin e ngjarjes. Zëdhënësja e Policisë së Kosovës për rajonin e Prishtinës, Flora Ahmeti, ka bërë të ditur se njësiti i trafikut është duke i vazhduar hetimet për rastin në fjalë. /Klankosova.tv