Shkurte Fejza feston 45 vjetorin e karrierës me koncert madhështor në Klan Kosova (VIDEO)

Më 23 dhjetor 2019, në sallën koncertale të Klan Kosovës, mbahet koncerti solistik i ikonës së këngës burimore shqipe, Shkurte Fejza. Nën udhëheqjen artistike të Afrim Sadikut, Shkurte Fejza e shoqëruar nga orkestra prej 15 instrumentistëve, do t'i interpretoje live, për dy orë,  para publikut, hitet e saj që i bërigjatë karrierës së saj 45 vjeçare. Bashkë me bilbilin e këngës popullore, në skenën e madhe në sallën koncertale të Klan Kosovës do të ngjiten edhe instrumentistë të zhanreve të ndryshme. E veçanta e koncertit është edhe festimi i karrierës katër dekadëshe e gjysmë të Shkurte Fejzës. Ky koncert që mbahet të hënën më 23 dhjetor nga ora 20:30 deri në 22:30 në Klan Kosova mbështetet nga Komuna e Prishtinës. https://youtu.be/MSedGX6Ww5E