Shkrirja 'anormale' bën që akullnajat zvicerane të tkurren me 3% këtë vit

Që nga viti 2015, glaciologët thonë se akullnajat e Zvicrës janë zvogëluar me një të katërtën. Akullnajat e Zvicrës janë përballur me shkrirje “të jashtëzakonshme” këtë vit me një rënie prej 3% të vëllimit të përgjithshëm, rënia e katërt më e madhe vjetore e regjistruar ndonjëherë, për shkak të efekteve të ngrohjes globale, raportuan të mërkurën glaciologët më të mirë zviceranë, transmeton Klankosova.tv. Tkurrja e këtij viti do të thotë që masa e akullit në Zvicër — vendi ku ndodhen më shumë akullnaja në Evropë — ka rënë me një të katërtën gjatë dekadës së fundit, thanë në raportin e tyre grupi zviceran i monitorimit të akullnajave GLAMOS dhe Akademia Zvicerane e Shkencave. “Shkrirja e akullnajave në Zvicër ishte përsëri e jashtëzakonshme në vitin 2025”, thanë shkencëtarët. “Një dimër me thellësi të ulët të borës e kombinuar me valë të nxehta në qershor dhe gusht çoi në një humbje prej 3 përqind të vëllimit të akullnajave. Zvicra është shtëpia e gati 1,400 akullnajave, më shumë se çdo vend tjetër në Evropë, dhe masa e akullit dhe shkrirja graduale e saj kanë implikime për hidroenergjinë, turizmin, bujqësinë dhe burimet ujore në shumë vende evropiane.