Shkon në 21 numri i viktimave nga koronavirusi në Maqedoninë e Veriut

Gjatë natës së djeshme në Maqedoninë e Veriut janë shënuar edhe tre viktima nga koronavirusi. Një viktimë është nga qyteti i Koçanit kurse dy viktima nga qyteti i Tetovës. Numri i viktimave nga Covid-19 tashmë shkon në 21. Sipas statistikave të djeshme në vend gjithsej ka 555 raste të regjistruara me Covid-19 kurse 514 janë raste aktive. Deri më tani në vendin tonë janë shëruar 23 persona, njofton Alsat-M përcjell Klan Kosova.