Shkolla në Kishnapolë: Klasa e IX, me 7 nxënës e 15 mësimdhënës

Për 7 nxënës të klasës së nëntë, të shkollës “Njazi Osmani” në Kishnapolë të Gjilanit, ndërrohen rreth 15 mësimdhënës. Madje këta duken shumë, kur maten me të vegjlit në klasën e parë në këtë shkollë, ku kanë mbetur veç 3, raporton Klan Kosova. Kështu, në këto kushte, për 40 filloristët në ketë katund të Gjilanit, stafi edukativ po mundohet ta mbajë gjallë arsimimin. Rënien e numrit të nxënësve po e përjeton rëndë Njazi Hajdini, arsimtar që edukoi shumë breza në këtë instutucion. Ai thotë që përpjekjet për t’u dhënë dije janë të mëdha, por i tillë nuk është edhe interesimi për ta marrë atë. Sidoqoftë, ushtruesja e detyrës së Drejtoreshës së Shkollës, Zyhrije Shala, potencoi që po punohet shumë që fëmijëve të mos u mungojë asgjë. Më së shumti të kënaqur nga ky trajtim janë ata që vijojnë mësimet në këtë vend të dijes. Për të parë se cili është plani i Komunës për këtë shkollë, por edhe të tjerat që kanë numër të vogël të nxënësve, Klani bisedoi edhe me zyrtarë nga Drejtoria e Arsimit. Të njëjtit bënë me dije se janë duke e analizuar gjendjen në terren e pastaj do të dalin me një vendim në të mirë të filloristëve. /Klankosova.tv https://youtu.be/m71qX7j6CqU