Shkodër: Shpërthim me tritol në banesën e një polici

Një shpërthim me tritol ka ndodhur në banesën e një polici në fshatin Hot i ri në Shkodër.

Ngjarja ka ndodhur në orët e para të së enjtës.

Nga shpërthimi janë shkaktuar vetëm dëme materiale në banesë si dhe është dëmtuar vetura e tij e tipit "Mercedes" e cila kishte qenë e parkuar afër, njofton Abcnews.al përcjell Klankosova.tv.

Njoftimi i policisë:

Rreth orës 02:25, në fshatin Hot i Ri, Shkodër, pranë murit të banesës së shtetasit, P. V., 49 vjeç, oficer policie në Komisariatin e Policisë Shkodër, ka shpërthyer lëndë plasëse.

Për pasojë ka vetëm dëme materiale në banesë, si dhe është dëmtuar edhe mjeti i tij tip Benz, i parkuar para banesës.

Grupi hetimor nën drejtimin e Prokurorisë së Rrethit Gjyqësor Shkodër, po punon për zbardhjen dhe sqarimin e plotë të kësaj ngjarjeje, identifikimin dhe kapjen e autorit/ve.