Shkencëtarët krijojnë teknologji të re për identifikimin e Alzheimerit me një saktësi 99 përqind

Sëmundja Alzheimerit mund të parashikohet me gati 100 përqind saktësi pas një përparimi mjekësor, thonë studiuesit. Studiuesit zhvilluan një metodë e cila mund të parashikojë fillimin e mundshëm të sëmundjes së Alzheimerit nga imazhet e trurit, me një saktësi 99 përqind. Ajo u zhvillua gjatë analizimit të imazheve MRI, të trurit të 138 pjesëmarrësve të hulumtimit. Studiuesit po përpiqeshin të trajtonin problemin e analizimit manual të imazheve MRI funksionale, e cila mat aktivitetin e trurit duke zbuluar ndryshimet që lidhen me rrjedhjen e gjakut. "Sigurisht, ne nuk guxojmë të sugjerojmë që një profesionist mjekësor të mbështetet ndonjëherë në ndonjë algoritëm njëqind përqind”, ka thënë Rytis Maskeliunas, profesor nga Universiteti i Teknologjisë Kaunas, Lituani, shkruan The Sun, përcjell Klankosova.tv Ai tha se algoritmi mund të zhvillohet në softuer, i cili do të analizojë të dhënat e mbledhura nga grupet e cenueshme, ata mbi 65 vjeç, njerëzit me një histori të dëmtimit të trurit, presionit të lartë të gjakut dhe sëmundjeve të tjera. Sipas Organizatës Botërore të Shëndetit, sëmundja e Alzheimerit është shkaku më i shpeshtë i demencës, duke kontribuar deri në 70 përqind të rasteve të demencës. Në mbarë botën, rreth 24 milionë njerëz janë të prekur dhe ky numër pritet të dyfishohet çdo 20 vjet.