Shkenca e thotë: Fëmijët e parë të familjes janë më të zgjuar

Fëmijët e parë janë më të zgjuar se motrat e vëllezërit e tyre që janë më të rinj, thotë një studim i ri.

Ekonomistët e Universitetit të Edinburgut, janë pajtuar se ata fëmijë që janë të parët e familjes kanë rezultate me të mira në testet e IQ-së, se sa motrat e vëllezërit e tyre, shkruan Daily Mail, transmeton Klan Kosova.

Shkencëtarët kanë thënë se kjo shpjegohet me faktin se fëmijët e parë të familjes, marrin më shumë stimulim mendor dhe mbështetje në zhvillimin e aftësive analitike nga prindërit e tyre, ne fazat e hershme të jetës.

Të gjeturat të cilat janë publikuar në Journal of Human Resources, tentojnë po ashtu të shpjegojnë se pse fëmijët më të mëdhenj të një familjeje kanë paga më të mira dhe janë më të shkolluar.