Shkatërrohet statuja e Messit në Argjentinë

Statuja e yllit të Barcelonës dhe Argjentinës, Lionel Messi, e vendosur në Buenos Aires, është shkatërruar nga disa vandalë të hënë, njofton Klan Kosova. Kjo statujë që ishte ndërtuar për ta bindur pesë herë fituesin e Topit të Artë që të kthehet të luajë për Argjentinën, pasi njëherë kishte vendosur të pensionohej nga kombëtarja, është gjetur e këputur në mes. Gjithsesi, zyrtarët në Argjentinë kanë thënë se riparimet veçse  kanë filluar. “Shkatërrimi i statujës së Messit ka qenë një vepër vandalizmi. Punimet për ta riparuar tashmë kanë filluar”, kanë thënë nga qeverisja e kryeqytetit argjentinas. Kjo statujë është e vendosur në “Paseo de la Gloria”, bashkë me figura të tjera të sportit në Argjentinë.

klankosova.tv