15.03.2018 · përditësuar para 3040 dite1 min lexim
Ende pa u bërë 6 vjet nga dita kur ka përfunduar restaurimi, rruga që të çon në Kalanë e Lezhës rrezikon të shkatërrohet.
Mëngjesin e së enjtes, pjesa e sipërme e murit mbajtës të kësaj rruge ka patur rrëshqitje dherash e gurësh. Gurët përbëjnë rrezik për automjetet që kalojnë në këtë aks, ndërkohë që nga këto rrëshqitje rrezikohen edhe disa banesa që gjenden mbi rrugë dhe që janë ndërtuar në zonë të mbrojtur, shkruan Top Channel.
Rruga që të çon në Kalanë e Lezhës përfundoi restaurimin e saj në 19 mars të vitit 2012. Ishte një investim i Bashkisë së Lezhës me një vlerë prej 170 milionë lekësh. Por, herë pas here ky aks rrugor ka patur dëmtime në pjesë të ndryshme të tij. Derisa sot një pjesë e saj u shemb.
Përfaqësues të Bashkisë së Lezhës kanë shkuar në vendngjarje për të inspektuar situatën.
●●●
Shpërndaje këtë artikull
AB
SHKRIMI NGA
A. BA
Editorial nga Klan Kosova — ndjek lajme dhe zhvillimet e tjera kryesore të vendit.
