Lajmet e fundit
Një rrjet trafiku që prostituonte vajza të reja nga Amerika Latine në Greqi, është shkatërruar nga policia greke. Në pranga kanë rënë 8 persona, disa prej të cilëve dyshohet se janë shqiptarë. Autoritetet kanë rënë në gjurmët e bandës pasi një nga vajzat që shfrytëzohej për prostitucion u ankua në një organizatë joqeveritare.
Banda kishte në cak vajzat nga vendet e Amerikës Latine, të cilat përballeshin me probleme të rënda financiare dhe i çonin në Greqi. Më pas, vajzat i dërgonin nëpër disa hotele të Athinës ku jetonin në kushte të pafavorshme dhe i detyronin të punonin si punonjëse seksi.
Anëtarët e bandës kishin ngritur edhe një “call center” për të gjetur klientë për punonjëset e seksit. U kryen operacione në tre hotele në zona të ndryshme të Atikës, ku ndodheshin 15 femra, viktima të organizatës kriminale, shtetase të Brazilit, Kolumbisë, Venezuelës dhe Marokut.
Në operacion u arrestua një 37-vjeçar me origjinë shqiptare, i cili ishte “koka” e bandës, tre persona të tjerë, të moshës 40, 33 dhe 31 vjeç, të cilët ishin përgjegjës për transportin e vajzave dhe mbajtjen e parave. Një 62 vjeçar, pronari i hotelit ku vajzat takoheshin me “klientët” e tyre.
Në pranga kanë rënë gjithashtu edhe tre vajza që kishin marrë përsipër funksionimin e qendrës telefonike, përmes së cilës rregullonin takimet, raporton Abcnews.al, transmeton Klankosova.tv.
Klikoni KËTU për t’u bërë pjesë e kanalit zyrtar të Klan Kosovës në Viber.
Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
