Shfaqja “Të mallkuarit e Ballkanit”, shqiptarë e serbë në skenë

Sot është prezantuar një shfaqje e autorit Enver Petrovci, tekstin e të cilës e shkroi qysh në vitin 1989, me titullin “Të mallkuarit e Ballkanit”, njofton Klan Kosova. Aktoret në këtë shfaqje ishin shqiptarë dhe serb, dhe përmes saj treguan historinë e dy të rinjve që janë produkt i martesave të përziera mes shqiptarëve e serbëve, e që urrejtjen serbo-shqiptare mes tyre e kthyen në dashuri. Edhe regjisori serb, Zoran Ristic, ka deklaruar se patën për qëllim përçimin e mesazhit të bashkëpunimit serbo-shqiptar, pavarësisht pengesave të mundshme. Shfaqja “Të mallkuarit e Ballkanit”, për publikun do të jepet me 26 qershor në Teatrin Kombëtar. Kronikë nga Fillojetë Konjuhi