Shënohen edhe tri raste të kollës së mirë në Maqedoni të Veriut, numri shkon në 1154

Tri raste të reja me kollë të mirë janë regjistruar këtë javë, dy raste në Shkup dhe një në Kratovë.

Dy prej rasteve janë nën moshën 1 vjeç, të pavaksinuar dhe një mbi 50 vjeç me status të panjohur vaksinimi, bëjnë të ditur Instituti i Shëndetit Publik dhe se dy janë shtruar në spital, shkruan Alsat M, transmeton Klankosova.tv.

Këtë vit janë regjistruar 1154 persona me kollë të mirë.

Numri më i madh i të sëmurëve, 70.5 për qind janë regjistruar në territorin e Shkupit, ndërsa pacientë janë regjistruar edhe në 22 qytete të tjera në Maqedoni të Veriut.

Nga numri i përgjithshëm i regjistruar, pak mbi 60 për qind nuk ishin të vaksinuar, nuk ishin të vaksinuar plotësisht sipas moshës ose nuk ka asnjë provë vaksinimi, thuhet në raportin e Institutit të Shëndetit Publik.