“Shën Jozef Punëtori”, meshë në Pjetërshan kushtuar mbrojtësit të punëtorëve (VIDEO)

Për nder të 1 Majit, Ditës Ndërkombëtare të Punëtorëve, është mbajtur një meshë në Pjetërshan të Gjakovës, ku prezent ishte edhe prifti Luigj Bianco nga Italia, përfaqësues i Papa Leonit. Gazetari i Klan Kosova, Kastriot Tahiri, ka raportuar nga kjo ngjarje, ku bëri të ditur se mysafiri special erdhi edhe për të përcjellë edhe mesazhe dashamirësie për popullin e Kosovës. “Sot u shënua edhe këtu 1 Maji, por që sot pati një mysafir të veçantë për krejt komunitetin katolik ku në këtë vend pra erdhi imzot Luigj Bianco, përfaqësues i Papa Leonit, i cili në Kosovë erdhi, siç tha, për të përcjellë mesazhe dashamirësie për krejt popullin e Kosovës, e mesazhe të përcjella nga vetë Papa Leoni". "Mesha kryesore tashmë ka përfunduar, besimtarët katolikë veçse janë duke kryer edhe ritualin e tyre fetar, pra që e kanë për të nderuar Jozef Punëtorin, i cili, siç thuhet, ishte ai i cili mbrojti të drejtat e punëtorëve duke shtuar kështu edhe vlerën të gjithë punëtorëve”, ka thënë Tahiri. Ai poashtu bëri të ditur se aty u përcollën edhe mesazhet e Don Lush Gjergji i cili përcolli mesazhe paqeje për gjithë botën. Kjo datë shënohet që nga viti 1955, në kohën kur Shën Jozefi Punëtor ishte ai që kishte theksuar vlerën e punës së ndershme dhe përkushtimit ndaj familjes. /Klankosova.tv