Shefja e Shërbimit Sekret në ShBA: Përgjegjës për të mbrojtur liderët aktualë dhe të mëparshëm

Drejtoresha e Shërbimit Sekret Amerikan Kimberly Cheatle, ka thënë se personeli në terren nën menaxhimin e saj, lëvizi me shpejtësi gjatë incidentit nga atentati i ndodhur të shtunën ndaj ish-presidentit të ShBA-së Donald Trumpit.

Në një deklaratë, Cheatle tha se ekipi i Shërbimit Sekret neutralizoi sulmuesin dhe shtoi se agjentët po zbatonin masa mbrojtëse për të garantuar sigurinë e ish-presidentit Donald Trump.

Ajo tha se Shërbimi Sekret po punon me të gjitha agjencitë federale, shtetërore dhe lokale të përfshira për të kuptuar se çfarë ndodhi, si ndodhi dhe si mund të parandalohet që një incident si ky të mos ndodhë përsëri.

E para e Shërbimit Sekret tha se do të marrin pjesë në procesin e hetimit të pavarur të shpallur nga presidenti Biden.

Cheatle shtoi se incidenti në Pensilvani ka vënë në diskutim përditësimet ose ndryshimet e mundshme të sigurisë për Konventën Kombëtare Republikane në Milwaukee.

Ajo tha se Shërbimi Sekret dhe partnerët kanë shqyrtuar dhe forcuar sigurinë pas të shtënave të së shtunës.

“Shërbimi Sekret është i ngarkuar me përgjegjësinë e jashtëzakonshme për të mbrojtur liderët aktualë dhe të mëparshëm të demokracisë sonë. Është një përgjegjësi që unë e marr jashtëzakonisht seriozisht dhe jam e përkushtuar për ta përmbushur atë mision”, deklaroi Drejtoresha e Shërbimit Sekret Amerikan Kimberly Cheatle. /Klankosova.tv