Shefi i OBSH-së bën thirrje për lirim të menjëhershëm të pengjeve në Gaza

Shefi i Organizatës Botërore të Shëndetësisë, Tedros Adhanom Ghebreyesus ka bërë thirrje për lirimin e menjëhershëm dhe pa kushte të të gjithë pengjeve në Gaza. Tedros Adhanom Ghebreyesus u shpreh gjithashtu se të gjithë ata duhet të kenë ushqim dhe kujdes mjekësor, raporton Sky News, transmeton Klankosova.tv. “Ne ritheksojmë se të gjithë ata që mbahen duhet të kenë akses në ushqim dhe kujdes mjekësor dhe duhet të trajtohen pa asnjë formë poshtërimi”, është shprehur ai.