Shefi i Atalantës konfirmon dëshirën e Lookmanit për t'u larguar

Shefi ekzekutiv i Atalantës, Luca Percassi, e ka konfirmuar dëshirën e Ademola Lookmanit për t'u larguar nga La Dea. Përfaqësuesi i Nigerisë ishte ndër lojtarët kryesorë të Atalantës në vitet e fundit, duke e ndihmuar edhe të fitojë Ligën e Evropës. "Lookman ka kohë që kërkon largimin. Kemi një ofertë nga Interi, por jemi ne që vendosim për kohën dhe vlerësimin e lojtarëve tanë", tha Percassi. Ai shtoi se marrëdhëniet me Interin janë të mira, por vendimi do të merret sipas kushteve të Atalantës.