SHBA raporton mbi 210 mijë raste të reja me COVID-19

Shtetet e Bashkuara të Amerikës gjatë 24 orëve të fundit kanë raportuar 210 mijë e 479 raste të reja me COVID-19 dhe 1 mijë e 394 viktima. Sipas Universitetit Johns Hopkins shifrat e fundit e çojnë numrin e përgjithshëm të të infektuarve në 20 milionë e 636 mijë e 663 dhe 351 mijë e 580 viktima, shkruan CNN, transmeton Klan Kosova. Në total përfshihen raste nga të 50 shtetet, Distrikti i Kolumbisë dhe territore të tjera të SHBA, si dhe raste të riatdhesuara. Kujtojmë se deri tani janë shpërndarë 13 milionë 71 mijë e 925 doza vaksinash kundër COVID-19 dhe të paktën 4 milionë e 225 mijë e 756 doza të administruara, sipas Qendrave të SHBA-së për Kontrollin dhe Parandalimin e Sëmundjeve.