Lajmet e fundit
Shtetet e Bashkuara të Amerikës kanë lëshuar qindra sanksione të reja që synojnë Rusinë për luftën në Ukrainë.
SHBA vendosi sanksione ndaj 20 kompanive me bazë në Kinë dhe Hong Kong, pas paralajmërimeve të përsëritura nga Uashingtoni për mbështetjen e Kinës për ushtrinë ruse, përfshirë gjatë udhëtimeve të fundit të Sekretares së Thesarit, Janet Yellen dhe Sekretarit amerikan të Shtetit, Antony Blinken.
Mbështetja e Kinës për Rusinë konsiderohet si njëra nga çështjet e shumta që kërcënon të përkeqësojë përmirësimin e fundit në marrëdhëniet midis ekonomive më të mëdha të botës, shkruan Reuters, transmeton Klankosova.tv.
“Thesari ka paralajmëruar vazhdimisht se kompanitë do të përballen me pasoja të rëndësishme për ofrimin e mbështetjes materiale për luftën e Rusisë dhe SHBA-ja po i imponon ato sot në pothuajse 300 objektiva”, tha Yellen në një deklaratë.
Shtetet e Bashkuara dhe aleatët e tyre kanë vendosur sanksione ndaj mijëra objektivave që kur Rusia nisi luftën në Ukrainë.
