Shtetet e Bashkuara të Amerikës u kanë bërë thirrje aleatëve evropianë që të mos bëhen qendër tranziti për emigracion ilegal të qytetarëve të vendeve të treta që synim kanë shkuarjen në ShBA.
Ambasada e ShBA-së në Prishtinë e ka shpërndarë thirrjen, duke thënë se askush nuk duhet ta testojë përkushtimin e presidentit Trump për t’i dhënë fund imigrimit ilegal.
“Për partnerët tanë evropianë: Ne po zbatojmë ligjet tona, kufiri ynë është i sigurt dhe jemi të angazhuar në operacionin më të madh të dëbimit në historinë amerikane. Askush nuk duhet të testojë angazhimin e Presidentit Trump për t'i dhënë fund emigracionit të paligjshëm në Shtetet e Bashkuara ose gatishmërinë e tij për të mbrojtur kufijtë dhe qytetarët tanë”, shkruan në mesazhin e Ambasadës.
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
