SHBA-ja shënon numrin më të lartë të vdekjeve në një ditë me 1.736 viktima

SHBA ka shënuar numrin më të madh të vdekjeve në një ditë me 1.736 viktima nga koronavirusi të raportuara të martën. Kjo shifër çon numrin e përgjithshëm të vdekjeve në 12.722, sipas të dhënave nga Universiteti Johns Hopkins, njoton Klan Kosova. SHBA ka më shumë se 398,000 raste të konfirmuara me koronavirus, numri më i lartë në botë. Rastet globale kanë tejkaluar 1.4 milion. Megjithatë gjatë një konference për shtyp presidenti Donald Trump tha se SHBA-ja mund të jetë duke arritur majën e rasteve. Ndërkohë qyteti i Wuhanit në Kinë, ku u shfaq për herë të parë virusi, i dha fund bllokimit të tij 11 javor.