SHBA-ja me më së paku lindje në 50 vjet (VIDEO)

Lindjet e fëmijëve në SHBA shënuan rënien më të madhe në gati 50 vitet e fundit gjatë 2020-tës, sipas një raporti qeveritar. Rënia e natalitetit për çdo racë, etni dhe pothuajse çdo grup-moshë ka prekur pikën më të ulët që kur zyrtarët federalë të shëndetësisë filluan ta gjurmonin atë, më shumë se një shekull më parë. Lindjet kanë rënë te gratë më të reja për vite me rradhë, pasi shumë prej tyre shtynë amësinë dhe kishin familje më të vogla. Kurse shkalla e lindjeve për gratë në të 30-at dhe në të 40-at ka qenë duke u rritur, por jo vitin e kaluar. "Fakti që keni parë rënie të lindjeve edhe për nënat e moshuara është mjaft i habitshëm," tha Brady Hamilton, i Qendrave Amerikane për Kontrollin dhe Parandalimin e Sëmundjeve, autori kryesor i raportit të ri, raporton CBS, transmeton Klan Kosova. Raporti CDC bazohet në një rishikim të më shumë se 99% të certifikatave të lindjes të lëshuara vitin e kaluar. Gjetjet i bëjnë jehonë një analize të fundit të Associated Press të të dhënave të vitit 2020 nga 25 shtete që tregojnë se lindjet kishin rënë gjatë shpërthimit të koronavirusit. https://www.cbs8.com/article/news/nation-world/us-birth-rate-biggest-drop-50-years/507-ef12fa11-55f2-4b74-9a7b-e89109df500f