ShBA-ja i jep Ukrainës 53 milionë dollarë për pajisjet e rrjetit të energjisë

Shtetet e Bashkuara do t'i japin 53 milionë dollarë për të mbështetur blerjen e pajisjeve të rrjetit të energjisë për Ukrainën. Kështu do të ndihmojnë Kievin që të luftojë sulmet ruse që synojnë infrastrukturën e saj energjetike, shkruan Aljaazera, transmeton Klankosova.tv. "Kjo pajisje do t'i dërgohet me shpejtësi Ukrainës në një bazë urgjence për të ndihmuar ukrainasit të ngulmojnë gjatë dimrit," tha një deklaratë e Departamentit të Shtetit, duke shtuar se paketa do të përfshijë transformatorët e shpërndarjes, ndërprerësit dhe shkarkuesit e tensionit, ndër pajisjet e tjera. Rusia ka kryer sulme masive në infrastrukturën e transmetimit të energjisë elektrike dhe ngrohjes të Ukrainës afërsisht çdo javë që nga tetori, në atë që Kievi dhe aleatët e saj thonë se është një fushatë e qëllimshme për të dëmtuar civilët dhe një krim lufte.