ShBA godet dy cisterna iraniane, nuk i lë të afrohen në Ngushticën e Hormuzit

Një aeroplan luftarak amerikan ka qëlluar mbi dy cisterna nafte të zbrazëta me flamur iranian që po lëviznin drejt Ngushticës së Hormuzit. Sipas CNN, Komanda Qendrore e Shteteve të Bashkuara të Amerikës (CENTCOM), e cila udhëheq forcat amerikane në Lindjen e Mesme, njoftoi se një aeroplan luftarak F/A-18 Super Hornet ka ndërmarrë veprime kundër anijeve iraniane në rajon, transmeton Klankosova.tv. Ndërkohë, agjencia iraniane e lajmeve Fars ka raportuar për përplasje mes forcave detare amerikane dhe ushtrisë iraniane në Ngushticën e Hormuzit, një zonë strategjike dhe shumë e ndjeshme për transportin global të naftës. Ngushtica e Hormuzit konsiderohet si një nga rrugët më të rëndësishme të furnizimit me naftë në botë, ndërsa çdo përshkallëzim i situatës në këtë zonë ka ndikim të drejtpërdrejtë në tregjet ndërkombëtare të energjisë. Tensionet mes Iranit dhe ShBA-së, janë rritur sërish pas një serie incidentesh përreth Ngushticës së famshme të Hormuzit.