Shawn Mendes dhe Camila Cabello puthen derisa shohin basketboll

Nuk mund të jetë më publike se sa ulëset në rendin e parë në një lojë basketbolli në Los Angeles, dhe nuk mund të jetë një puthje më pasionante se sa ajo që Shawn Mendes dhe Camila Cabello kanë shkëmbyer. “Zogjtë e dashuruar” kanë ndjekur nga afër lojën mes L.A Clippers dhe Toronto Raptors në Staples Center, por që duket se ishin më të interesuar për njëri-tjetrin se sa për atë që ndodhte në parket. E veshur me pantollona të bardha dhe një sako shumë të gjerë ngjyrë të zezë, Cabello ishte shumë e buzëqeshur derisa vazhdimisht e përqafonte Mendes. Pa dyshim që gjithë vëmendjen e morën puthjet e nxehta që çifti i shkëmbeu pothuajse gjatë gjithë lojës. Ata duket se nuk mund t'i mbanin duart larg njëri-tjetrit. Madje, në një moment gjatë lojës, Cabello e kishte tërhequr Mendes pranë vetes dhe e kishte puthur atë në faqe. Gjatë romancës së tyre që ka vëmendjen e publikut dhe mediave, muzikantët e rinj janë parë duke shkëmbyer puthje dhe duke qenë shumë të afërt në paraqitjet publike pothuajse çdo kund - nga plazhet e Miamit deri në kafenetë e San Franciscos. Ky takim i tyre vjen vetëm dy ditë pasi Mendes e kishte përfunduar koncertin e tij të parë në Zelandën e Re, që ishte pjesë e turneut të tij “Illuminate World”.