Sharon Stone blen hiç më pak se 20 palë syze të reja

Sharon Stone duket se e ka shpërblyer veten me syze të reja pasi është parë se ka dalë për shopping të syzeve në Beverly Hills. Aktorja 61 vjeçare e ka marrë procesin e përzgjedhjes së tyre shumë seriozisht duke analizuar nga afër shumë prej syzeve që i kanë pëlqyer. Ylli i “Basic Instinct”  ka provuar disa lloje të syzeve me forma dhe ngjyra të ndryshme, transmeton Klan Kosova. Madje, për ta bërë zgjedhjen e duhur, Stone ka marrë këshillat dhe gjithë ndihmën e punonjësve në shitoren ku ajo ka zgjedhur syzet. Fituesja e “Golden Globes” kishte shumë mundësi zgjedhjeje para vetes. Por, duket se për të zgjedhja nuk ishte shumë e vështirë pasi ajo u largua nga dyqani i syzeve me hiç më pak se 20 palë syze të reja.