Sharon Osbourne sërish "nën brisk": Do të kem një fytyrë të re

Sharon Osbourne është gati të futet sërish “nën brisk”. “Operacioni im i radhës është caktuar. Unë do ta bëj këtë ndërhyrje në muajin gusht kështu që kur do të kthehemi në xhirime në muajin shtator, do të kem një fytyrë krejtësisht të re”, ka thënë ylli televiziv. “Por, mua më pëlqen fytyra jote”, ka thënë bashkëmoderatorja e saj Carrie Ann Inaba në episodin e të martës në “The Talk”. “Ti thjesht je mësuar me këtë pamje të fytyrës time, do ta pëlqesh edhe fytyrën time të re”, është përgjigjur Osbourne. 66 vjeçarja ka qenë vazhdimisht e hapur për dashurinë e saj për ndërhyrjet estetike. Madje, ajo ka bërë tërheqje të fytyrës, largim të dhjamit nga barku, zvogëlim të gjoksit dhe shumë ndërhyrje të tjera estetike. Por, si vendosi ajo herën e parë që të bëjë një operacion plastik? “Nuk dëshiroja të dukem si nëna ime sepse unë dukesha si nëna ime”, ka pranuar ajo.