Lajmet e fundit
Një tajfun i fuqishëm ka rënë në tokë pranë qendrës financiare kineze të Shangait.
Tajfuni Bebinca goditi rreth orës 7:30 me orën lokale të hënën në zonën bregdetare të Lingang Neë City në lindje të Shangait, tha Administrata Meteorologjike e Kinës.
Mijëra banorë në zonën metropolitane të Shangait janë evakuuar, ndërsa të gjitha fluturimet në dy aeroportet kryesore të qytetit janë ndalur.
Tajfuni Bebinca është stuhia më e fortë që ka goditur Shangain në 75 vjet, sipas mediave shtetërore kineze, raporton BBC, transmeton Klankosova.tv.
Stuhia më e fortë e Shangait në mbi 70 vjet ka ndërprerë fluturimet dhe ka prerë pemët në qytet
Është e rrallë që Shangai të goditet drejtpërdrejt nga tajfunët e fortë, të cilët tentojnë të zbresin më tej në jug të Kinës.
Autoritetet kanë lëshuar një alarm të kuq për Bebincën, niveli më i lartë, pasi shpejtësia e erës deri në 151 km/h u regjistruan në syrin e tajfunit.
Shërbimet e trenave janë anuluar, autostradat janë mbyllur dhe 25 milionë banorët e Shangait janë këshilluar të qëndrojnë në shtëpi përpara mbërritjes së stuhisë.
Si masë paraprake, më shumë se 400,000 njerëz ishin zhvendosur deri të dielën në mbrëmje, sipas selisë së kontrollit të përmbytjeve në Shangai.
9,000 njerëz të tjerë u evakuuan nga distrikti Chongming, një ishull në grykëderdhjen e lumit Yangtze, thanë autoritetet e qytetit, transmeton Klankosova.tv.
Shtabi i qytetit për kontrollin e përmbytjeve tha gjithashtu se kishte marrë dhjetëra raporte për incidente në lidhje me tajfunin - kryesisht pemë të rrëzuara dhe tabela.
Vendpushimet në Shangai, përfshirë Shanghai Disney Resort, Jinjiang Amusement Park dhe Shanghai Ëild Animal Park, janë mbyllur përkohësisht dhe shumë tragete janë ndalur.
Një tjetër tajfun, Yagi, vrau të paktën katër persona dhe plagosi 95 kur kaloi përmes ishullit jugor të Kinës Hainan këtë muaj, sipas autoriteteve kombëtare të motit.
Yagi gjithashtu shkaktoi përmbytje të rënda në Azinë Juglindore, duke vrarë qindra njerëz në Vietnam dhe Mianmar.
Tajfuni Bebinca ka kaluar edhe në Japoni dhe në Filipinet qendrore dhe jugore, ku rënia e pemëve vrau gjashtë persona.
Media shtetërore kineze tha se Bebinca pritej të lëvizte në veri-perëndim, duke shkaktuar reshje të dendura shiu dhe erëra të forta në provincat Jiangsu, Zhejiang dhe Anhui.
