Sfida e re e nëntorit që po synon të bëhet traditë: Burrat të mos bëjnë seks këtë muaj

“No Nut November” është sfida e nëntorit që po synon të bëhet tradicionale. Kjo sfidë inkurajon burrat që të mos bëjnë seks për tridhjetë ditë, madje nuk u lejohet as ejakulimi, pavarësisht a kanë partnerë apo janë vetëm. Kjo sfidë ka filluar nga viti 2021 dhe synon që të bëhet me rregulla strikte, shkruan Metro.co.uk, transmeton Klankosova.tv. Disa nga rregullat e kësaj sfide, pos që nuk duhet të bëni seks, nuk lejohet as të masturboni dhe as të shikoni video pornografike. Në lidhje me këtë çështje ka folur urologia Rena Malik e cila shpjegoi se çfarë duhet të dinë të gjithë për “No Nut November”. “Literatura e lashtë diskutoi mbajtjen e spermës si një mënyrë vetëkontrolli. Besohej se ejakulimi në fakt po ua humbiste burrave kontrollin mbi veten dhe mbajtja e saj ishte në fakt një mënyrë për të përmirësuar shëndetin dhe kontrollin e trupit”, u shpreh ajo.