Deputeti i Lidhjes Demokratike të Kosovës, Avdullah Hoti, ka reaguar pasi sot sërish dështoi konstituimi i Komisionit Hetimor Parlamentar për rezervat shtetërore.
Ai pyeti se pse koalicioni qeverisës VV – Guxo, po e bojkoton konstituimin e këtij komisioni parlamentar.
“Është në interes të publikut të zbardhet e vërteta sa më parë. Pengimi i këtij hetimi parlamentar ngre dyshime të shumta”, tha Hoti, transmeton Klankosova.tv.
Më tej, ai shtoi se sjellja e deputetëve të mazhorancës shpërfar hipokrizinë e koalicionit, për të cilin tha se e votuan formimin e komisionit në kuvend, ndërsa e pamundësojnë punën e tij.
●●●
BSHKRIMI NGA
BM
Editorial nga Klan Kosova — ndjek lajme dhe zhvillimet e tjera kryesore të vendit.
