Përgjatë ditës së sotme, Policia e Kosovës ka kontrolluar kanalin e Ibër Lepencit në fshatin Varagë.
Po ashtu u kryen edhe bastisje, ku janë konfiskuar tri pushkë gjuetie.
Rastin për Klankosova.tv, e ka konfirmuar zëvendësdrejtori i Policisë për veriun, Veton Elshani.
Ai shtoi se nuk ka të arrestuar, ndërsa kontrollet janë kryer së bashku me Njësinë Policore K-9.
“Sot kemi pas kontroll të terrenit përgjatë kanalit në Varagë, po ashtu edhe bastisje. Kemi konfiskuar 3 pushkë gjuetie por nuk kemi të ndaluar apo të arrestuar. Kontrolli i terrenit është kryer me njësinë policore K-9 e po ashtu edhe me njësitet tjera policore dhe tashmë ka përfunduar”, tha Elshani.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
