Numri dy i listës së Koalicionit për Familje, Selim Pacolli, ka folur për shifrat që sipas matjeve të tyre do t’i marrin partitë në zgjedhjet e 9 shkurtit.
Pacolli tha se sondazhet tregojnë se Lëvizja Vetëvendosje do të dalë në mes 30 dhe 35 për qind, ndërsa e dyta, sipas tij, do të dalë LDK-ja me 20 deri në 22 për qind.
“Sondazhet tregojnë se diku 30 deri në 35% duhet t’i ketë elektorat VV-ja. Partia e dytë, në bazë të matjeve që i kemi nga terreni del LDK-ja, që afrohet nga 20 deri në 22%. Ndërsa, PDK-ja sipas matjeve tona del 18 deri në 20%”.
“AAK-ja është diku 7-8%, ndërsa ne jemi mbi 7%, sot për sot jemi 7%. Jemi në garë për vendin e katërt. Këto janë matjet e tona”, tha Pacolli në “DPT te Fidani” në Klan Kosova.
Ai foli edhe për mundësinë e koalicionit me partitë e tjera, gjë për të cilën tha se duhet ta gjejnë një gjë të përbashkët që nesër të mund të bashkëqeverisin, teksa i komentoi edhe deklaratat e Kurtit, ku tha se "sigurisht se do të plakemi, por me u rrokat kurrë hiç",
"Sigurisht se do të plakemi, por me u rrokat kurrë hiç, ne nuk e kemi nijet të rrokatemi. Eventualisht po bën skenar, do të ishte fantastike nëse vërtetë do të ishte duke implementuar një skenar, por nëse vërtetë kryeministri është shndërruar në një personalitet të tillë që po e shohim gjatë zgjedhjeve, unë kam dyshim, por besoj se e ka një skenar", tha ai.
https://www.youtube.com/watch?v=5l4kPxz8dJg
●●●
BSHKRIMI NGA
BM
Editorial nga Klan Kosova — ndjek lajme dhe zhvillimet e tjera kryesore të vendit.
