Ky është vizioni i fotografit Julien Mauve, i cili ka imagjinuar një kohë kur njerëzit do të bëjnë hapat e tyre të parë në Planetin e Kuq.
Ai ka krijuar një sërë fotosh, të quajtura “Greetings from Mars”, ku dy “astronautë” bëjnë selfie. Fotot janë shkrepur tek Kanioni i Madh. Mauve thotë se i pëlqen të zbulojë botë të panjohura, atë që eksploruesit bëjnë prej shekujsh. Ai e krahason “Curiosity Rover” që ndodhet aktualisht në sipërfaqen e Marsit, si “Kristofor Kolombi i shekullit tonë”.
“Ashtu si perëndimi i egër, ne mund të imagjinojmë se një pjesë e Marsit do të bëhet një destinacion turistik për njerëzit. NASA dhe SpaceX po punojnë mbi këtë dhe ndoshta në më pak se 50 vjet, njerëzit mund të shkojnë në Mars”, shkruan fotografi në faqen e tij në internet.
●●●
ABSHKRIMI NGA
A. BA
Editorial nga Klan Kosova — ndjek tech & auto dhe zhvillimet e tjera kryesore të vendit.
