Seksologu Fejza thirrje prindërve: Flisni hapur me fëmijët për seksin

Seksologu i njohur, Hajrullah Fejza, u bëri thirrje prindërve që të mos hezitojnë të flasin hapur me fëmijët e tyre për seksin. Në një intervistë për Klankosova.tv, ai thekson se verës është periudha kur shumë të rinj bëhen më seksualisht aktivë, dhe edukimi i duhur është vendimtar për shëndetin e tyre.

Fejza sqaron se përdorimi i prezervativëve është thelbësor jo vetëm për të parandaluar shtatzënitë e padëshiruara, por edhe për mbrojtjen nga sëmundjet seksualisht të transmetueshme.

“Vlen të theksojmë se shumë të rinj bëhen seksualisht aktivë gjatë verës. Nga ky këndvështrim, u bëjmë thirrje prindërve të flasin hapur për këtë çështje me fëmijët e tyre. Është e rëndësishme që ata të dinë se përdorimi i prezervativëve jo vetëm që parandalon shtatzënitë e padëshiruara, por parandalon edhe sëmundjet seksualisht të transmetueshme”, është shprehur Fejza, njofton Klankosova.tv.

Intervista e plotë për Klankosova.tv:

https://klankosova.tv/seksi-ne-det-e-pishina-dhe-orari-i-pershtatshem-gjate-veres-seksologu-kosovar-i-thote-te-gjitha/