Lajmet e fundit
Privohemi nga orët e plota të gjumit për të përmbushur detyra të tjera që na dalin gjatë ditës duke mos e kuptuar çfarë dëmi i shkaktojmë vetes.
Mungesa e gjumit shoqërohet me jo pak probleme shëndetësore dhe pamja e jashtme është ajo që i reflekton të gjitha. Qeska të fryra, çehre e zbehtë, buzë të thata dhe të çara.
Megjithatë jo të gjithë janë në këtë gjendje në mëngjes pasi disave u shkëlqen fytyra sikur të kishin fjetur 10 orë.
Këto femra mund të kenë fjetur edhe më pak orë por kanë disa sekrete për një gjumë cilësor.
Produktet kozmetike
Kushtoni rëndësi produkteve kozmetike që përdorni në mbrëmje. Përqendrohuni tek hidratimi i lëkurës dhe përdorni serume. Ato me bazë acid Hyaluronic apo me acide alfa-hidroksi do të rigjenerojnë në nivel qelizor lëkurën tuaj.
Këllëfët e jastëkut prej mëndafshi janë gjithashtu të rekomanduar nga dermatologia pasi minimizojnë çdo acarim shtesë në fytyrë dhe parandalojnë shpupuritjen e flokëve.
Maska
Dermatologët rekomandojnë të bëni maska të ndryshme tri herë në javë. Këto të fundit mund të jenë sipas nevojave tuaja.
Mund të përdorni maska hidratuese, ushqyese, kundër njollave etj.
Maskat e përgatitura në kushte shtëpie janë gjithashtu të shkëlqyera. Ju mund të përgatisni maska me bazë mjalti, kosi apo veze.
Frutat
Frutat janë miniera vitaminash dhe mineralesh. Të gjitha lëndët ushqyese janë të domosdosshme për lëkurën tuaj. Lëkura shkëlqen nga brenda jashtë ndaj është detyra juaj ta ushqeni atë.
Hani ushqime të pasura me acide yndyrore dhe antioksidantë!/Living.al
