Sekretariati i Komunitetit të Energjisë nis procedurat kundër Kosovës, Maqedonisë së Veriut dhe Serbisë

Sekretariati i Komunitetit të Energjisë ka nisur procedurat e zgjidhjes së mosmarrëveshjeve kundër Kosovës, Maqedonisë së Veriut dhe Serbisë, shkruan platforma online, Balkan Green Energy News. Sipas tyre, Kosova nuk e transpozoi Direktivën për Vlerësimin e Ndikimit në Mjedis (Rasti ECS-5/22), sipas dosjeve të rastit, përderisa Serbia nuk transpozoi Kodet e Rrjetit të Lidhjes. Ndërkaq, ata thonë që Maqedonia e Veriut dështoi të përfshijë Rregulloren REMIT në kornizën e saj ligjore, Sekretariati ka thënë se i ka nisur procedurat për zgjidhjen e mosmarrëveshjeve kundër tre palëve kontraktuese duke paraqitur kërkesa në Këshillin Ministror, prej të cilit këshill ka kërkuar një vendim për këto tre palë për të cilat pohon se nuk i kanë përmbushur detyrimet e tyre. Ata thonë që Kosova ka dështuar ta miratojë grupin e fundit të amendamenteve të Direktivës për Vlerësimin e Ndikimit në Mjedis. Palët kontraktuese kanë qenë të detyruara që t’i bëni këto transpozicione deri më 1 janar të këtij viti.