Opinionisti Dardan Sejdiu ka shprehur kritika ndaj buxhetit të Kosovës në vlerë prej 4 miliardë eurosh për vitin 2026.
Në emisionin Rubikon të Klan Kosovës, Sejdiu theksoi se pjesa më e madhe e mjeteve dalin shpejt jashtë vendit, njofton Klankosova.tv.
“Del rroga, shkon në market, për 48 orë dalin paratë nga Kosova, kaq është kjo punë. 73 për qind e 4 miliardëshit shkon, për 48 orë me na dalë nga vendi,” deklaroi ai.
Sejdiu tha se vetëm rreth 25 për qind e buxhetit janë të dedikuara për investime kapitale, që sipas tij është e pamjaftueshme.
"Veç 25 për qind janë në investime kapitale. Pse janë investimet kapitale me rëndësi? Numri magjik për Republikën e Kosovës nuk guxon me qenë nën 40 përqind. Investimet kapitale janë parakushti zhvillimor, është infrastruktura rrugore, në shëndetësi, në arsim, për zhvillim urban”, shtoi ai.
https://www.youtube.com/watch?v=wu7jznKSeLQ
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
