Kosova, Shqipëria e Kroacia kanë nënshkruar dje Deklaratën e Bashkëpunimit Trepalësh Ushtarak.
Kështu ka bërë të ditur Ministri Mbrojtës së Shqipërisë, Pirro Vengu i cili priti homologët e tij nga Kosova e Kroacia.
Deklarata synon të rrisë bashkëpunimin në fushën e sigurisë dhe të sigurojë mundësi më të mëdha për stërvitje të përbashkëta dhe operacione të koordinuara ndërmjet tri shteteve.
Nërkohë, analisti Ali Sefaj ka theksuar në emisionin “Ora Shtatë” në Klan Kosova, rëndësinë e këtij zhvillimi për Kosovën, duke u shprehur se ky është avancimi më i madh që ka arritur vendi në fushën e sigurisë.
“Nëse flasim vetëm për një prezencë apo edhe stërvitje për Kosovën, mendoj se është arritja më e mirë që kemi marrë në këtë fushë, gjatë këtyre katër viteve, sepse nuk kemi pasur kurrë një avancim të tillë” tha Sefaj.
Ndiq detajet, në videon vijuese:
●●●
Shpërndaje këtë artikull
LE
SHKRIMI NGA
Lendita Elshani
Editorial nga Klan Kosova — ndjek lajme dhe zhvillimet e tjera kryesore të vendit.
