Lajmet e fundit
Përjetimi i një sulmi në zemër pas timonit mund të jetë i rrezikshëm - jo vetëm për shoferin, por edhe për udhëtarët dhe ngasësit e tjerë.
Me shpresën e reduktimit të këtij rreziku, Toyota zhvillon një teknologji të re që mund të parashikojë një ngjarje të tillë dhe ta sjellë makinën në një ndalesë të sigurt, transmeton Klan Kosova.
Ndërsa sistemi është ende në zhvillim, Toyota shpreson se do të ketë rezultate paraprake deri në vitin 2020.
Toyota po punon së bashku me Michigan Medicine për të zhvilluar këtë teknikë të re mjekësore.
Dr Kayvan Najarian, i cili drejton studimin, tha: "Toyota diskutoi se si ata dëshironin të lëviznin drejt teknologjisë që mund të monitorojë dhe analizojë fiziologjinë e personit dhe të parashikojë nëse do të kenë ngjarje kardiake të pafavorshme".
Një studim fillestar u krye për shtatë muaj për të identifikuar sfidat dhe zgjidhjet e mundshme të zhvillimit të sistemit.
Dr Najarian shtoi: "Ne konkluduam se ngjarjet kardiake ishin kushte që janë më të realizueshme për të zbuluar me teknologjinë në automjet".
Ekipi është duke punuar në një sistem që mund të vendoset në një makinë për të monitoruar dhe parashikuar një ngjarje kardiake, transmeton Klan Kosova.
