S’duhet dekret: Nëse nuk ka president deri në mesnatë, vendi shkon automatikisht në zgjedhje

Vullnet Bugaqku nga KDI ka bërë të ditur se vendi me automatizëm do të shkojë në zgjedhje të jashtëzakonshme, nëse sot nuk arrihet zgjedhja e presidentit. Në emisionin “Kosova Today”, Bugaqku tha se nuk është e nevojshme as ndonjë dekret nga ushtruesja e detyrës së presidentes, Albulena Haxhiu, transmeton Klankosova.tv. “Nuk ka nevojë të ketë dekret. Nëse sot, deri në ora 00:00, nuk ka vendim të Kuvendit për të zgjedhur presidentin në mënyrë legjitime, në mënyrë Kushtetuese, atëherë me automatizëm ne shkojmë në zgjedhje, dhe duhet nga nesër e tutje të caktohet vetëm data e zgjedhjeve, dhe ato data mund të jenë ose 31 marsi, ose 7 qershori”, u shpreh ai në Klan Kosova. Kujtojmë se shkuarja direkt në zgjedhje në qoftë se dështon zgjedhja e shefit të shtetit, është paraparë edhe në aktgjykimin e Gjykatës Kushtetuese. https://www.youtube.com/watch?v=1E5EqgtmUMk