"S’do derdhim asnjë lot nëse bie regjimi iranian", thotë ministri izraelit

Objektivat e Izraelit në këtë luftë po zgjerohen. Ndërsa u përhap lajmi për bombardimin e burgut famëkeq Evin në Teheran, Ministri i Ekonomisë i vendit, Nir Barkat, po fliste për BBC në zyrën e tij në Jerusalem. Ai thotë se "nuk do të derdhim asnjë lot" nëse regjimi iranian bie, por nuk pranon të konfirmojë ose mohojë nëse ndryshimi i regjimit ishte një nga qëllimet e luftës së Izraelit, transmeton Klankosova.tv. I pyetur pse burgu ishte një objektiv strategjik për Izraelin, ai thotë: "Ata po sulmojnë civilët në Izrael, po sulmojnë fëmijët, gratë. Po na terrorizojnë dhe, sa më shumë që ta bëjnë këtë, ne do të godasim objektivat strategjikë." "Ne e dimë se ku jetojnë. Ne e dimë se ku bëjnë, çfarë bëjnë, planet e tyre. Ne dimë gjithçka rreth tyre dhe do të sigurohemi që t'i godasim sa më fort që të mundemi derisa të ndalen".