Sindikata e Bashkuar e Arsimit (SBASHK) ka vendosur ultimatum ndaj autoriteteve për lirimin e mësimdhënësit Abaz Kadriu në të kundërtën kërcënoi me përshkallëzim të grevës së mësimdhënësve në nivel vendi.
Kadriu u ndalua për 48 orë si i dyshuar për rastin e dhunës së djeshme ndaj nxënësit në shkollën “Pavarësia” në Prishtinë.
Përfaqësuesi i kësaj sindikate, Ymer Ymeri, i cili iu bashkua grevës së kolektivit të shkollës “Pavarësia” të martën, tha se mësimdhënësi Kadriu është sulmuar në vendin e punës.
“Ne menjëherë e kemi përkrahur dhe sot jemi në mesin e mëdhimdhënësve këtu që ta përkrahim veprimin e tyre. Kjo nuk është ngjarje që po ndodh për herë të parë. Ka raste kur mësimdhënësit janë sulmuar fizikisht, edhe nga ana e prindërve”, deklaroi ai.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
