Samsunspori ndërron trajnerin në prag të ndeshjes me Shkëndijën

Pas humbjes ndaj Antalyasporit, Samsunspori, ndërpreu bashkëpunimin me trajnerin gjerman Thomas Reis. Kundërshtari i Shkëndijës së Tetovës në playoff të Ligës së Konferencës, Samsunspori njoftoi se ka arritur marrëveshje me Thorsten Fink për postin e trajnerit. Deklarata e klubit për transferimin e trajnerit gjerman është si më poshtë: “Klubi ynë ka arritur marrëveshje parimore me trajnerin me përvojë gjermanin, Thorsten Fink. Thorsten Fink do të vijë të dielën në Samsun dhe zhvillimet lidhur me procesin do të ndahen më tej. Njoftohet me respekt për opinionin publik.” Trajneri 58-vjeçar, i cili u largua në muajin dhjetor nga skuadra belge Genk, gjatë karrierës së tij ka drejtuar klube si: Ingolstadt, Basel, Hamburg, APOEL Nikosia, Austria Wien, Grasshopper, Vissel Kobe, Riga, Al-Nasr SC (Emiratet e Bashkuara Arabe) dhe St. Truiden. Me Baselin, Fink ka fituar 2 tituj të Superligës së Zvicrës dhe 1 Kupë të Zvicrës. Ndërsa me Vissel Kobe, ai ka fituar 1 Kupë të Japonisë dhe 1 Superkupë të Japonisë. Ndeshja e parë mes Shkëndijës dhe Samsunsporit do të luhet të enjten në Shkup nga ora 21:00. Takimi i kthimit pas një jave në Turqi./Klankosova.tv