Lajmet e fundit
Me Mohamed Salah në 18 muajt e fundit të kontratës së tij aktuale në Anfield, tifozët e Liverpool kanë filluar të shqetësohen për të ardhmen e egjiptianit.
Salah ka qenë në formë të bujshme deri më tani në sezonin 2021/22, teksa Liverpool është prapë në garë për titull me golat e tij, por kontrata e tij ka mbetur akoma e pazgjidhur, pavarësisht dëshirës së tij për të qëndruar në Anfield.
Liverpool Echo ka thënë se bisedimet mes klubit dhe agjentëve të Salah kanë vazhduar tash e një kohë, por ende nuk është gjetur ndonjë marrëveshje, shkruan Marca, transmeton Klankosova.tv.
“E kam thënë disa herë: nëse vendimi varet nga unë, dua të qëndroj në Liverpool”, ka thënë Salah.
“Vlera juaj financiare tregon se sa shumë ju vlerëson klubi dhe se ata sa janë të gatshëm të bëjnë gjithçka që ju të qëndroni, por vetë vendimi është i bazuar jo vetëm në ato çështje financiare”.
Pasi ka luajtur për Fiorentinën dhe Romën më parë pas nënshkrimit nga Chelsea, Salah është i hapur ndaj idesë për të shkuar përsëri jashtë shtetit dhe Xavi Hernandez ka shprehur interes për ta marrë atë në Barcelonë.
“Kam lexuar atë që u tha për interesimin e Xavi-t për të nënshkruar me mua”, tha Salah.
“Kjo është diçka që më bën të lumtur që një ekip si Barcelona është i interesuar për mua, por unë jam i lumtur në Liverpool dhe do të shohim se çfarë do të ndodhë në të ardhmen.
“Për momentin, unë preferoj të qëndroj në Premier League pasi është liga më e fortë në botë”.
