Sot në Prishtinë, promovohet libri “Jam Mysliman” i autorit Ben Blushi.
Ky roman ka ngjallur shumë reagime, polemika dhe debat në shoqërinë shqiptare, veçanërisht për mënyrën se si trajton fenë islame dhe rolin e saj në historinë dhe identitetin e popullit shqiptar, transmeton Klankosova.tv.
Shkrimtari Reshat Sahitaj, në Klan Kosova tha se ky libër ka shkaktuar ‘tërmet’ në shoqëritë primitive.
“Tërmetet shkaktohen në shoqëritë primitive. Libri nuk ka asgjë për t’u keqkuptuar. Ben Blushi e trajton në mënyrë filozofike temën e islamizmit radikal, sepse Ben Blushi në krejt romanin nuk ka asgjë kundër islamizimit modern, por kundër islamizmit politik dhe radikal”, u shpreh Sahitaj në “Ora Shtatë”.
https://www.youtube.com/watch?v=Zn1cb2k0x0U
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.