Sadiku: Pati thirrje për vrasje të shqiptarëve nga një grup tifozësh sllovenë

Gazetari Arlind Sadiku raporton që një grup tifozësh sllovenë mbrëmë kanë bërë thirrje për vrasje të shqiptarëve, përcjell Klankosova.tv. Ai iu referua takimit të mbrëmshëm ku Dardanët siguruan Playoff-in pasi fituan 0-2 ndaj sllovenëve në kualifikimet për Kupën e Botës. “Ishte frustruese [për ta] që ne u futëm në shtëpinë e tyre dhe i dominuam. Sllovenët u dukën minoritet në Lubjanë”, ka deklaruar Sadiku. “Pastaj edhe humbja ishte e turpshme dhe e dhimbshme për ta. Përndryshe, ka pasur edhe thirrje kundër Kosovës nga një grup tifozësh. Ka pasur thirrje për vrasje të shqiptarëve, edhe pse ishin të shkurtra, u bënë dy-tri herë”, vijoi Sadiku në një raportim për Info Magazine të Klan Kosovës. “Megjithatë, këto ndodhën pas përfundimit të ndeshjes, kur Sllovenia pothuajse e humbi udhëheqjen”. “Nuk u lanë as flamuj të Kosovës e Shqipërisë; besoj se i keni parë në pamje të ndryshme nëpër media”.