Sadiku: LDK-ja e ka kandidatin për President – Abdixhiku është takuar me Hamzën dhe Haradinajn

Deputeti i Lidhjes Demokratike të Kosovës, Ermal Sadiku e ka konfirmuar se kreu i kësaj partie, Lumir Abdixhiku gjatë kësaj jave është takuar pos me kryeministrin Albin Kurti, edhe me kryetarin e PDK-së, Bedri Hamzën, si dhe me liderin e AAK-së, Ramush Haradinajn. Në “Rubikon” të Klan Kosovës, Sadiku tha se LDK po tenton të gjejë një zgjidhje për të mos shkuar në zgjedhje, transmeton klankosova.tv. “LDK-ja është duke ofruar mënyrën më institucionale që mundet me vepru, me përgjegjësinë që e ka që me e ruajt demokracinë në këtë vend. Janë dy opsione që po punojmë q të ecim përpara. Kryetari Abdixhiku është takuar me secilin kryetar të partive politike. Është takuar me anëtarë të PDK-së, me kryetarin e PDK-së, AAK-së, me zotëri Kurtin, këtë javë”, tha Sadiku. https://www.youtube.com/watch?v=FWHB0i0Abto Pos tjerash, Sadiku tha se partia ku ai vepron e ka një kandidat për president. “LDK-ja ka mjaft kandidatë. Nëse ka një parti në Kosovë e cila ka mundësi me kandidu emra është LDK-ja. Ka kandidatë LDK-ja, por nuk ka mbërri procesi në atë moment, sepse në atë moment që mbërrin procesi që të kemi zgjedhjen e dytë, që është marrëveshja politike, LDK-ja e ka kandidatin që mundet me propozu”, tha ai në Klan Kosova. https://www.youtube.com/watch?v=UlRPGTBrGf8